”aurtain is liye nahi banin ke woh chehray aur yahan ( seenay par ) mukkay khayen, baksng mardon ka khail hai! “

Muhammad Ali klya guzashta roz chohtr baras ki Umar mein intqaal farma gaye. duniya bhar ke logon ny un ki wafaat par taziyati paighamaat beje. Pakistan mein bhi un ki wafaat ka sog social media par manaya gaya. woh duniya ki tareekh mein aik azeem aur na qabil e shikast boxer ke tor par yaad rakhay jayen ge. 1964 mein unhon ny ghaliban nasal parasti ki baghaawat ke tor par islam qubool kya aur Umar ke aakhri daur mein woh sufiyana talemaat ki taraf mael ho chuke they. islam qubool karne ke teen chaar baras baad Amrici hukoomat ny inhen vit naam ke khilaaf jung mein fouji khidmaat sar-anjaam dainay ki dawat di jisay unhon ny ikhlaqi wajohaat ki bana par yaksar radd kar diya. woh vit namio ki bajaye safaid logon ko apna dushman kehte they .

”mira zameer mujhe is baat ki ijazat nahi deta ke mein –apne kisi bhai ko maroo, ya kisi gehri rangat walay ko maroo, ya kisi ghareeb bhukay ko maroo, aur is liye maroo ke azeem America mazeed Sarbuland ho jaye? aur inhen kyun maroo? unhon ny kabhi mujhe kala nahi kaha, unhon ny kabhi mujhe takleef nahi di, unhon ny kabhi mere peechay koi kuttay nahi chhorey, mujhe meri qomiat se mahroom nahi kya, meri maa ke sath zayad-ti nahi ki ya mere maa baap ko qatal nahi kya, mein un ghareebon ko kaisay maar sakta hon? mujhe jail le jao bhae! “ ( nah jany kyun yahan Faiz sahib yaad aa gaye )

inhen girftar kya gaya, un ke baksng ezazat un se cheenney gaye aur un par fouj ki mukhalfat ka bazabta muqadma dair kya gaya. das hazaar dollar ka jurmana sun-hwa aur chaar baras, –apne urooj ke chaar baras woh khail ke maidan se daur rahay aur aakhir kaar sun 71 mein Amrici sprim court ny inhen is muqadmay se ba izzat buri qarar diya. buri honay ke baad woh anti establishment nojawanon ke hero they. nojawan un par fakhr karte they aur un ki aik jhalak ke deewany they. bajaye koi manager waghera rakhnay ke, Muhammad Ali apni press kanfrnson aur mukhtalif programon mein khud baat karte they aur mutanazia mamlaat par hamesha khil kar raye dete they jin mein Amrici nasal parasti bhi shaamil thi. 1960 ke olympics mein inhen gold medal mila jo baad mein unhon ny darya mein pheink diya, is ki wajah wohi masharti na insafi thi. apni sawanah mein Ali likhte hain ke woh aur un ke dost aik ”sfid faam restaurant“ gaye jahan biron ny inhen khana dainay se inkaar kar diya, inhen shadeed tauheen mehsoos hui aur is baat par wahan goroon se un ka jhagra bhi ho gaya. maar katai ke baad wahan se nikaltay hi unhon ny avhayyo darya ka rukh kya aur apna gold medal is mein achhal diya .

Muhammad Ali 2002 mein aqwam mutahidda ki taraf se aman ke safeer ke tor par Afghanistan bhi gaye, aur deegar mahdanon mein bhi aman aur nasal parasti ke khatmay ke liye kaam kya .

sab se oopar likha gaya jumla Muhammad Ali ny tab kaha tha jab un ke urooj ka daur tha aur Laila Ali aik baras ki theen. Ali ki chaar bigmat mein se Laila teesri begum ki aulaad hain aur woh 1999 mein duniya ke samnay aik khatoon boxer ke tor par samnay ayen. Laila ny ab taq jitne bhi match khailay sab jeetay hain, nah koi haar hui nah koi match barabar sun-hwa .

zaati zindagi mein pehli biwi se Ali ki alehadgi un ke libaas par aitraaz ki wajah se hui, woh inhen mazhab ke dairay mein rakhna chahtay they. doosri biwi ko shadi ke baad unhon ny musalman kar liya. baad ki do bigmat ke mazahab tabdeel nahi kiye gaye aur bachon par bhi koi zor nahi tha .

Laila Ali ki ftohat jab shuru huien to dobarah se muslim duniya mein aik khushi ki lehar daud gayi ke Muhammad Ali sani Laila ke roop mein hamara sir fakhr se buland kar rahi hain. lekin Laila aahista aahista asht_haron mein nazar anay lagen, werzish ki videos mein bhi dikhayi den, glamour se bharpoor aik nojawan larki jab poori chamak damak ke sath media par chhaa gayi to log Muatriz hue ke bhae aap to musalman hain, aisay kapray kyun pehanti hain? bradrz un islam ny social media par un ki har tasweer ke neechay un ka Natiqa band karna shuru kar diya, nsihton ke ambaar un ki aik aik post ke neechay jama honay shuru gaye, aakhir-kaar aik din Facebook par Laila Ali ka bayan samnay aa gaya

”mire tamam musalman fees biki doston ke liye : guzashta kayi barson se mujhe kaafi mashwaray miley ke mujhe bator aik musalman khatoon kaisay kapray pahannay chahiye. aap ko ittila di jati hai ke mein musalman nahi hon. mere khayaal mein log is liye aisa sochte hain kyun ke mere baap musalman hain, magar aisa nahi hai. agar mein musalman hoti to mein –apne aap ko islami talemaat ke mutabiq hi dhalti. aap sab apni aara qaim karne mein azad hain, lekin mein samjhti hon ke aap ko haqeeqat janani chahiye is se pehlay ke aap mere baray mein koi raye qaim karen. apna khayaal rakhiye. salamat rahen! “

Muhammad Ali aaj hum mein mojood nahi lekin aulaad ke liye un ki azadana policy aik roshan rasta hai. woh khawateen ki baksng ke khilaaf they, un ki beti boxer bani, unhon ny zaati zindagi ke liye islam pasand kya magar beti ki zindagi par apni raye musallat nahi ki, wohi beti aakhri dam taq baap ki khidmat bhi karti rahi aur mukhtalif samaji taqrebaat mein bhi un ke sath nazar aati thi .

Muhammad Ali ny aik bharpoor zindagi guzari, 1984 mein parknsn bemari ka maloom honay ke baad bhi pachees tees baras woh mutharrak rahay aur samaji behbood ke kamon mein hissa letay rahay. unhon ny Amrici muashray mein apni jagah banai aur khud ko mnwaya. un ke intqaal par Donald trmp kehte hain

Muhammad Ali chohtr baras ki Umar mein intqaal kar gaye. haqeeqat mein aik azeem faateh aur aik shaan daar ensaan, un ki yaad hum sab ke dilon mein rahay gi. “
05. 06. 2016

Facebook comments