is khamoshi mein aik aur aawaz gungi, maidam log pehchan len to tang karte hain baatein banatay hain, ilaqay walay bhi aur yeh sarkon ke lofer log bhi. mujhe parhnay ka shoq hai, majaburan mujhe chehra chhupana parta hai. kabhi yeh dupattay ka rang badalti hon kabhi abaya. kya karen ghar se hi itni baatein sun kar nikaltay hain himmat khatam ho jati hai bahar wali baton ki. bachney ka yahi tareeqa hai nah koi pehchane nah baat ho lekin phir bhi bachat kahan hoti hai bhala. is ne bas aik sard aah bhari aur khamosh ho gayi .
log baatein karte hain, baatein banatay hain, pehchan len to pareshan karte hain, aawazian kastay hain, jumla baazi mamool hai. –apne shaoor, aqeday aur zouq ke mutabiq munasib libaas ki azaadi har fard ka haq hai lekin muashray ke log behar haal yeh haq dainay pay tayyar nahi hain .
kisi ne kamaana hai, kisi ne taleem haasil karni hai, sab –apne khawab poooray karna chahti hain aur kisi nah kisi tor uski gunjaish peda kar rahi hain. aisay mein aksar log’ madar pidar azad’ muashra ban’nay se roknay ki koshish mein din raat magan hain. kabhi aurat ko seepe mein band moti se tshbihh dete hain to kabhi kaghaz mein lipti toffee se woh asal mein kitney uffsurdaha hon jab inhen yeh ehsas ho ke bohat si khawateen yeh is liye kar rahi hain ke inhen kisi alohi rivayet ne nahi balkay muashray pay un ki bdaatmadi ne majaboor kar rakha hai. yeh aik aurat ka khullam khula izhaar hai ke log pehchante hain to tang karte hain is liye mein apni marzi ke barkhilaf aisa karti hon taakay un se bachi rahon. aur kya bachat ho jati hai? ab mein is ka jawab nahi day rahi itni to har Zee shaoor shakhs ki aqal bhi kaam karti ho gi .
arrey nahi sahib! yeh kahani meri nahi hai, yeh un ki hai jo apke khayaal mein aap ki riwayaat ki paasdari kar rahi hain. nagawaar hi guzray gi baat lekin yeh aik haqeeqat hai ke aap riwayaat ke naam pay jabar karte hain. hazrat aurya ne taaza programme mein khawateen ko jalsay mein jaane se roknay ki himayat ki ke aurat ka kaam ghar sanbhaalna hai bachay ko doodh pilana hai, makhloot ijtima ki ijazat nahi aur phir owais sahib ke sawal pay barham bhi ho gay. janab Naeem Al Haq aur izzat maab rana sana Allah kehte hain ke yeh libaas ka intikhab hai jo farogh deta hai bad nazri o bad amli ko. bhala aisa libaas bhi koi p_hnta hai. mein kuch nahi kehti bas itna poochti hon yeh aeye roz jo paanch chay sala, das sala bachiyon se zayad-ti ke waqeat hotay hain to aakhir aik kam sun ka libaas bhi aisa kya na munasib ho ga jo dawat-e gunah day raha hai? agar bura mnaye baghair wazahat kar den aur libaas bta den to aasani ho jaye gi ke phir hum khud ko mehfooz rakh payen ge. aurya sahib se zahir hai hum sawal nahi karte ke unhon ne to saaf keh diya jis ki shadi nahi hui woh shadi ki tayari kere aur jo shadi shuda hain woh bachay sanbhalain ke aakhir siyasat mard ka kaam hai. afsos ke fatima jinah, Rana Liaqat aur begum Shahnawaz hayaat nahi warna aurya sahib pay kya guzarti, Naeem Al Haq aur rana sana Allah unkay libaas ke intikhab pay shikwah kinaan rehtay, aur jalsay juloos mein un ki shirkat pay pabandi lag jati .
thrikِ insaaf ke saat May 2013 ke jalsay mein kuch log hamein dekh kar bhi be qaboo hogaye ke shayad inhen zindagi mein pehli baar aurat Nami janwar dekhnay ka ittafaq sun-hwa tha, is se pehlay ke hamara haath uthta kuch razakaar aa ke beech mein kharray ho gay aur aakhir taq wahan mojood rahay ke dobarah aisa nah ho. lekin kya aisa sirf thrikِ insaaf ke jalson mein hota hai? رکیے رکیے yeh jo oopar kuch khawateen ke aur hamaray zaati tajarbaat hain un ki roshni mein to hamein yahi dikhayi diya ke aisa to har gali koochy mein hota hai. koi dupatta kheinchain, koi kandhay tkraye, koi jumlay kisay, yeh to sahib is muashray mein ghar se bahar anay ki qeemat hai jo har aurat ko ada padtee hai. aurtain hain ke phir bhi baz nahi aati. nah taleem haasil karne se rukti hain, nah jalsay juloos mein jaane se, nah bazaar jaane se .
aisay mein aap ka kaam kya hai? agar to aap aik wehshi drnde hain jo aurat dekhte hi be qaboo ho jayen to phir yeh hum nahi balkay aap hain jisay qaid karna chahiye aur apke dimagh ke futoor ko durust karne ki tarkeeb darkaar hai. lekin agar aap ensaan hain to sahib aap se guzarish hai is duniya pay hamara bhi itna hi haq hai jitna aap ka hai, aurat ko libaas se le kar trzِ zindagi taq aap ki raye darkaar nahi hai, usay khud faisla karne den is ne ghar mein rehna hai ya bahar niklana hai. siyasat ho ya muashrat aurat ke baghair sab namukammal hai. aap aakhir hotay kon hain kisi ke libaas, uskay intikhab, uskay trzِ zindagi pay faisla sunanay walay ?
aap ensaan ban ke rahen aur –apne jazbaat ko lagaam den warna hamari jaisi be lagaam zubanain yuhin bolti rahen gi ke sahib jo ghar se bahar aeye, daftar jaye ya jalsay mein, school college jaye ya bazaar usay dekh kar –apne oopar qaboo rakhen aur yeh zara –apne sath baithy sahib se kahin ke bas ab nzrِ karam bohat hui kisi aur taraf bhi nigah kar len. kya saari ikhlaqiaat khawateen ko sikhayi jayen gi? kuch aap bhi seekh len .
aap is baat ko aaj tasleem kar len to acha hai ke fard ki azaadi aik haqeeqat hai, faisla isi aurat ko karne den ke woh kaisay jeena chahti hai, kya odhna pehnana chahti hai, waisay agar nah bhi karen to hum konsa ikhtilaaf pay goli maar den ge .
aap Imran Khan hain, khawateen apke jalsay mein aati hain, aapko vote dainay walon mein hum bhi shaamil hain, to yeh aap ki zimma daari hai ke chalein kam از kam yahan to kuch na munasib nah ho, agar ho raha hai to is ka hal behtar intizamaa mein hai khawateen ko roknay mein nahi .
aap Imran Shah hain, apke daftar mein chaar khawateen kaam karti hain, unkay
liye munasib mahol ki farahmi aap ki zimma daari hai .
aap Imran Qureshi hain, aap ke taleemi idaray mein kisi larki ke sath bad tehzibi ho to is ki faryaad sunna aur mujrim ko saza dena aap ki zimma daari hai ke aindah aisay kaam nah hon .
lekin agar aap Imran lofer hain to chalein yeh raha dupatta. .. . khench lijiye .
- Yeh Raha Dupatta, Khench Lijiye - 30/12/2017
